Раённае паседжанне намеснікаў дырэктароў па выхаваўчай рабоце
23.11.2022
Раённае паседжанне намеснікаў дырэктароў па выхаваўчай рабоце
23 лістапада 2022 года ў нашай установе адукацыі прайшло раённае паседжанне намеснікаў дырэктароў па выхаваўчай рабоце. Падчас паседжання была прадэманстравана сісітэма работы педагагічнага калектыву школы па выкарыстанню патэнцыялу гістарычнага краязнаўства ў аспекце грамадзянска-патрыятычнага выхавання вучняў.
Намеснікам дырэктароў была паказана арганізацыя работы пошукавага атраду, міратворцаў, членаў грамадскіх аб'яднанняў і вынік работы - інтэрактыўная экскурсія па Краязнаўчаму вугалку. Важнай часткай грамадзянска-патрыятычнага выхавання дзяцей з'яўляецца сістэма работы класных кіраўнікоў. У час семінара работу з класнымі калектывамі прадэманстравалі Жыбурт Вольга Пятроўна, класны кіраўнік 3 класа, Зялёнка Наталля Уладзіміраўна, класны кіраўнік 8 класа і Клявец Зоя Іванаўна, класны кіраўнік 10 класа.
Заключнай часткай мерапрыемстваў стала творчая гасцёўня "Мая Радзіма - мой гонар", дзе прыстуныя ўбачылі не толькі сістэму работы ўсяго калектыва ўстановы адукацыі па выкарыстанні патэнцыялу гістарычнага краязнаўства і грамадзянска-патрыятычнага выхавання, але і цеснае ўзаемадзеянне з Домам народнай творчасці в. Ганцавічы (заўвага: вучні нашай школы з'яўляюцца актыўнымі ўдзельнікамі аматарскіх аб'яднанняў "Спадчына" і "Саломапляценне").
Больш фотаздымкаў вы можаце пабачыць у нашым Instagram
Супрун С.В., настаўнік геаграфіі і біялогіі
