1 Сентября - День знаний
1.9.2015
Прывітанне, школа!!!
Лета скончылася, і вось ужо паклікаў да сябе першы школьны званок.
1 верасня - свята першага званка, свята белых банцікаў і новых партфеляў!
Усе дарогі сёння вядуць да школы. Прыгожыя школьнікі горда праходзяць па вуліцах у чаканні новых вучэбных дзён, хатніх заданняў і дзясятак ў дзённіках.
Наша школа сустрэла пачатак новага навучальнага года– Дзень ведаў – узнёсла і ўрачыста. Усе вучні сустрэліся на лінейцы. З задавальненнем паслухалі віншаванні гасцей свята і дырэктара школы Караленка Аксаны Леанідаўны. Парадаваліся поспехам настаўніка фізічнай культуры Муха Мікалая Мікалаевіча, які быў узнагародзжаны ганаровай граматай аддзела адукацыі райвыканкама.
Кожны год школьная сям’я папаўняецца новымі вучнямі – шасцігодкамі. У гэтым навучальным годзе ў нашай школе 16 першакласнікаў разам з першай настаўніцай Зялёнка Вольгай Паўлаўнай пачнуць цікавае падарожжа па Краіне Ведаў.
Школа - гэта цэлае жыццё, яркае і цікавае. Даўно стала добрай традыцыяй пачынаць 1 верасня з урока, які дае ўстаноўку на ўвесь навучальны год. Сёлета ва ўсіх школах краіны, у тым ліку і ў нашай, быў праведзены першы ўрок на тэму: “На цябе, наша моладзь, надзея!”.
Прапануем вашай увазе фотарэпартаж і жадаем больш выдатных адзнак у дзённіку і менш складаных заданняў. Хай вучоба даецца лёгка, урокі будуць кароткімі і цікавымі, а перапынкі будуць вясёлымі.
Жадаем, каб новы школьны год прынёс шмат дзіўных адкрыццяў і верных сяброў. Не бойцеся цяжкасцей, верце ў сябе, імкніся да ведаў - і ў вас усё атрымаецца!
фотарэпартаж