Святочная лінейка, прысвечаная Дню ведаў
01.09.2022
Святочная лінейка,
прысвечаная Дню ведаў
1 верасня. Дзень ведаў шаноўны.
Сусветны дзень Міру людзей на Зямлі.
1 верасня. Добры дзень, школа!
Дзверы навукі нам расчыні!
Родная школа – Краіна Ведаў!
Павагі, надзеі і дабрыні.
Крокам свабодным ідзі наперад,
Шчасліва ў дзень заўтрашні зазірні!
Усе мы хвалюемся сёння ў спатканні,
Усе мы чакалі сустрэчы з табой.
“Добры дзень, школа!” – звініць усё з рання,
Год навучальны сёння прыйшоў.
1 верасня празвінеў першы школьны званок, які пачаў адлік новага навучальнага года. Парог нашай школы пераступілі 3 першакласнікі, якія ганарова крочылі па школьным двары ў суправаджэнні вучняў 11 класа і класных кіраўнікоў Клявец Алены Дзям'янаўны і Муца Алены Леанідаўны. Асабліва прыемна, што сёння, калі адзначаецца Год гістарычнай памяці, нашы самыя маленькія сябры далучыліся да вялікай школьнай сям'і.
А нашы вучні адзінаццатага класа прыгожыя і прыветлівыя прыйшлі на сваю апошнюю вераснёўскую лінейку. На правах старэйшых таварышаў вучні выпускнога класа прывіталі першакласнікаў, а таксама выказалі словы ўдзячнасці настаўнікам, якія суправаджалі іх на працягу лесвіц школьных класаў.
Паважаныя настаўнікі, вучні і бацькі, з Днём ведаў!
З новым навучальным годам!
Супрун С.В., настаўнік геаграфіі і біялогіі
