Святочная лінейка "Апошні званок"
30.05.2022
Святочная лінейка "Апошні званок"
Сёння ў дарослае жыццё вы адчыніце дзверы
Перад вамі на выбар любыя шляхі.
Паспрабуйце стаць лепш, разумней, дабрэй.
Паспрабуйце сябе ў гэтым жыцці знайсці!
Паспрабуйце не падаць і не мыляцца,
Паспрабуйце свой правільны шлях адшукаць,
Калі раптам спатыкнуліся, умейце падняцца,
Каб у жыцці дастойнае месца заняць!
30 мая прагучаў апошні школьны званок для 5 выпускнікоў нашай школы і доўгачаканы званок на летнія канікулы для астатніх вучняў.
У жыцці кожнага чалавека ёсць падзеі, якія заўсёды застаюцца ў памяці. Такой падзеяй, безумоўна, з’яўляецца і свята развітання са школай – месцам сяброўства, першага кахання і натхнення. Свята апошняга званка асабліва тым, што ў Год гістарычнай памяці наша школа адпраўляе ў дарослае жыццё сваіх хлопчыкаў і дзяўчынак, адначасова такіх дарослых і такіх маленькіх. Сярод вучняў 11 класа ёсць пераможцы і прызёры шматлікіх алімпіяд, навукова-практычных канферэнцый, творчых конкурсаў, спартыўных спаборніцтваў.
У свяце апошняга званка прынялі ўдзел ганаровыя госці: Занька Аляксандр Ануфрыевіч, першы сакратак раённага камітэту ГА "БРСМ", Муха Святлана Мікалаеўна, старшыня Любаўшаскага сельскага выканаўчага камітэта і Занька Валянціна Васільеўна, дырэктар ГУК "Дом народнай творчасці". Лепшыя вучні былі былі ўзнагароджаны граматамі, а бацькі - падзячнымі лістамі.
Супрун С.В., настаўнік геаграфіі і біялогіі