Святочная лінейка "Дзень Дзяржаўнага герба і Дзяржаўнага сцяга Рэспублікі Беларусь"
07.05.2022
Святочная лінейка
"Дзень Дзяржаўнага герба і Дзяржаўнага сцяга Рэспублікі Беларусь"
БЕЛАРУСЬ МАЯ – МУДРАЯ, СВЕТЛАЯ,
КРАЙ БЛАКІТНЫХ АЗЁР І ЛЯСОЎ.
ДЛЯ ЛЮДЗЕЙ З ДАБРЫНЁЮ – ПРЫВЕТНАЯ
І САРДЭЧНАЯ ДЛЯ СЯБРОЎ...
БЕЛАРУСЬ МАЯ – ГОНАР І ГОДНАСЦЬ,
ДЛЯ БРАТЭРСТВА ШЫРОКІ ПРАСЦЯГ,
УШАНОЎВАЕМ ГОРДА СЯГОННЯ
МЫ СІМВОЛІКУ - ГЕРБ НАШ І СЦЯГ!
У кожнай дзяржавы ёсць сваі галоўныя атрыбуты самабытнасці і незалежнасці, якія ўвасабляюць гісторыка-культурную спадчыну народа, падкрэсліваюць нацыянальны дух і годнасць грамадзян. У адпаведнасці з артыкулам 19 Канстытуцыі Рэспублікі Беларусь сімваламі Рэспублікі Беларусь як суверэннай дзяржавы з’яўляюцца Дзяржаўны сцяг, Дзяржаўны герб і Дзяржаўны гімн.
Беларускія сімвалы з’яўляюцца прадметам гордасці і здабытку цэлай нацыі. Дзякуючы асаблівасцям кожнага сімвала, сёння наша краіна мае свой непаўторны “твар” у сусветнай суполцы. Шанаваць і паважаць свой герб і сцяг — абавязак і справа гонару кожнага з нас.
Дзень Дзяржаўнага герба і Дзяржаўнага сцяга Рэспублікі Беларусь у Год гістарычнай памяці быў адзначаны і тым, што ўсе вучні і настаўнікі нашай школы прынялі удзел у патрыятычнай акцыі "Спаём гімн разам". Потым прайшла святочная лінейка прысвечаная галоўнаму святу рэспублікі. Маладыя грамадзяне нашай школы з гонарам і павагай адносяцца да галоўных сімвалаў нашай краіны, якія адлюстроўваюць развіццё беларускага народа ад самых старажытных часоў і да нашых дзён. Падчас святочнай лінейкі лепшым вучныя школы, якія з'яляюцца пераможцамі і прызёрамі абласных і рэспубліканскіх конкурсаў, дырэктарам школы Зайцам Аляксандрам Валер'евічам былі ўручаны граматы і дыпломы.
Моладзь - гэта наша надзея. Маладой Беларусі неабходны такія ініцыятыўныя, творчыя і талантлівыя грамадзяне. Менавіта ім будаваць будучыню нашай краіны!
Няхай гэтыя найвялікшыя нацыянальныя каштоўнасці суправаджаюць самыя важныя падзеі нашага жыцця, напаўняюць сэрцы высокімі пачуццямі любові да Айчыны і адказнасці за яе лёс!
Супрун С.В., настаўнік геаграфіі і біялогіі