Адзіны дзень прафарыентацыі ў межах шостага школьнага дня
24.01.2022
Адзіны дзень прафарыентацыі
ў межах шостага школьнага дня
22 студзеня 2022 года ў межах мерапрыемстваў шостага школьнага дня ў школе прайшоў Адзіны дзень прафарыентацыі. Дзень быў разнастайны і насычаны! Так нашы самыя маленькія вучні - першакласнікі, разам з класным кіраўніком Нарывончык Галінай Сяргееўнай , прынялі ўдзел у гульнявай праграме "Калі вырасту я стану...". Дружная сямейка вучняў падзялілася на 2 каманды "Сонейка" і "Хмарка", назва якіх поўнасцю адпавядала надвор'ю суботняга дня. Мерапрыемства было падзелена на пяць інфармацыйных блокаў "Усе прафесіі патрэбны, усе прафесіі вельмі важныя", конкурс "Каму што патрэбна?", "Здагадайся якая прафесія?", "Гэта прафесія..." і "Будзь уважлівы!".
Разнастайны стаў дзень і для членаў пярвічных арганізацый грамадскіх аб'яднанняў школы. Акцябраты прынялі ўдзел у мастацкім занятку, які завяршыўся арганізацыяй выставы "Прафесіі маіх бацькоў". Члены прэс-цэнтра і тымураўскага атрадаў піянерскай дружыны "Пунцовы ветразь" ГА "БРПА" здейснілі экскурсію ў ГУК "Дом народнай творчасці" в.Ганцавічы, падчас якой даведаліся пра гістарычныя ваенныя падзеі на тэрыторыі ганцаўшчыны, подзвіг аднавяскоўцаў у гады Вялікай Айчыннай вайны. А вось члены валанцёрскага атраду "Добрае сэрца" ГА "БРСМ" прынялі актыўны ўдзел у дабрачыннай аперацыі "Снег" у межах акцыі "Мы выбіраем дапамогу састарэлым людзям".
Супрун С.В., настаўнік геаграфіі і біялогіі
Фота: з архіва школы