Першы ўрок “Адзінства беларускага народа – аснова незалежнай краіны”
01.09.2021
Першы ўрок “Адзінства беларускага народа – аснова незалежнай краіны”
Новы навучальны год распачаў першы ўрок, які па ўсёй тэрыторыі Рэспублікі Беларусь прайшоў па тэме "Адзінства беларускага народа – аснова незалежнай краіны".
Тэма "адзінства" як ніколі з'яўляецца актуальнай – пачынаючы з 17 верасня 2021 года ўся краіна будзе адзначаць свята – Дзень народнага адзінства. Як адзначыў Сяргей Вітальевіч Сарокаў, намеснік старшыні раённага выканаўчага камітэта, падчас наведвання ўрока ў 8 класе, свята адзінства народаў вельмі важная гістарычная падзея для беларусаў. Менавіта 17 верасня 1939 года адбылося аб'яднанне заходняй і ўсходняй Беларусі і з гэтага моманту пачалася новая эра станаўлення маладой і незалежнай Беларусі.
Акрамя таго класныя кіраўнікі на ўсіх першых уроках звярнулі асаблівую ўвагу рабят на тое, што падчас Вялікай Айчыннай вайны ўвесь савецкі народ з'яднаўся і здзейсніў сапраўдны подзвіг – адстаяў незалежнасць і светлую будучыню сваіх нашчадкаў. І сучаснаму пакаленню вельмі важна зразумець якой цаной далася нашым продкам перамога і менавіта ў руках моладзі будучыня нашай краіны.
Супрун С.В., настаўнік геаграфіі і біялогіі
