Святочная лінейка "Дзень Дзяржаўнага герба і Дзяржаўнага сцяга Рэспублікі Беларусь"
07.05.2021
Святочная лінейка
"Дзень Дзяржаўнага герба і Дзяржаўнага сцяга Рэспублікі Беларусь"
Беларусь мая – мудрая, светлая,
Край блакітных азёр і лясоў.
Для людзей з дабрынёю – прыветная
І сардэчная для сяброў...
Беларусь мая – гонар і годнасць,
Для братэрства шырокі прасцяг,
Ушаноўваем горда сягоння
Мы сімволіку - герб наш і сцяг!
У кожнай дзяржавы ёсць свае галоўныя атрыбуты самабытнасці і незалежнасці, якія ўвасабляюць гісторыка-культурную спадчыну народа, падкрэсліваюць нацыянальны дух і годнасць грамадзян. У адпаведнасці з артыкулам 19 Канстытуцыі Рэспублікі Беларусь сімваламі Рэспублікі Беларусь як суверэннай дзяржавы з’яўляюцца Дзяржаўны сцяг, Дзяржаўны герб і Дзяржаўны гімн.
Беларускія сімвалы з’яўляюцца прадметам гордасці і здабытку цэлай нацыі. Дзякуючы асаблівасцям кожнага сімвала, сёння наша краіна мае свой непаўторны “твар” у сусветнай суполцы. Шанаваць і паважаць свой герб і сцяг — абавязак і справа гонару кожнага з нас.
У нашай ўстанове адукацыі праходзяць мерапрыемствы прысвечаныя святкаванню галоўнага свята рэспублікі. 7 мая прайшла святочная лінейка прысечаная Дню Дзяржаўнага герба і Дзяржаўнага сцяга Рэспублікі Беларусь. Маладыя грамадзяне нашай школы з гонарам і павагай адносяцца да галоўных сімвалаў нашай краіны, сякія адлюстроўваюць развіццё беларускага народа ад самых старажытных часоў і да нашых дзён. Падчас святочнай лінейкі лепшым вучныя школы, якія з'яляюцца пераможцамі і прызёрамі абласных і рэспубліканскіх конкурсаў, дырэктарам школы Караленка Аксанай Леанідаўнаў былі ўручаны граматы і дыпломы:
Мауліс Паліна, вучаніца 9 класа, прызёр абласнога этапу экалагічнага конкурса "Хто, калі не мы?" у намінацыі "Сцяжынкамі Бацькаўшчыны"
Антановіч Ганна, вучаніца 9 класа, прызёр абласного і рэспубліканскага этапаў конкурса юных журналістаў "Ты ў эфіры!" у намінацыі "Мастацкі фотаздымак"
Кладзько Алеся, вучаніца 6 класа, пераможца раённага, абласнога і рэспубліканскага этапаў конкурса творчых работ "Мая сям'я, мой дом - мая Радзіма" ў намінацыі "Сям'я - адзінства думак і спраў"
Моладзь - гэта наша надзея, маладой Беларусі неабходны такія ініцыятыўныя, творчыя і талантлівыя грамадзяне. Менавіта ім будаваць будучыню нашай краіны!
Няхай гэтыя найвялікшыя нацыянальныя каштоўнасці суправаджаюць самыя важныя падзеі нашага жыцця, напаўняюць сэрцы высокімі пачуццямі любові да Айчыны і адказнасці за яе лёс!
Супрун С.В., настаўнік геаграфіі і біялогіі