Вусны часопіс "Галоўныя сімвалы маёй краіны"
04.05.2021
Вусны часопіс "Галоўныя сімвалы маёй краіны"
Мая краіна, мая Бацькаўшчына – усяго чатыры словы, але ж, якая моц гучыць у іх, колькі пяшчоты, колькі гонару маюць яны! Наша вечна маладая, квітнеючая і такая старажытная беларуская зямля. Мы можам знаходзіцца ў любой з краін свету, але ў нашым сэрдцы заўсёды будзе жыць Беларусь.
Рэспубліка Беларусь – незалежная, сувярэнная дзяржава. Штогод у другую нядзелю мая ў нашай краіне адзначаецца Дзень Дзяржаўнага герба і Дзяржаўнага сцяга Рэспублікі Беларусь. Дзяржаўныя сімвалы прысутнічаюць на працягу ўсяго жыцця. З'яўляючыся на свет, маленькі чалавек атрымлівае свой першы ў жыцці дакумент – пасведчанне аб нараджэнні, заверанае пячаткай з гербам, а затым – пашпарт грамадзяніна Рэспублікі Беларусь. Пад дзяржаўным сцягам прысягаюць Радзіме і Прэзідэнт, і малады салдат. Аб гэтым, а таксама аб значэнні галоўных сімвалаў Беларусі разважалі вучні пачатковых класаў падчас пазакласнага мерапрыемтсва прысвечанага Гербу і Сцягу Беларусі. Не абмінулі настаўнікі і дзеці тэмы Вялікай Айчыннай вайны. Светлае мірнае неба, чыстае шчаслівае дзяцінства – гэта самы дарагі падарунак нашых дзядоў і бабуль. Менавіта дзякуючы ім наша Радзіма, наша Беларусь квітнее с кожным годам. І над бяскайнімі палямі, блакітнымі азёрамі горда лунае сцяг Беларусі, горда ўзняты герб краіны!
Клявец А.Д., Нарывончык Г.С.,
настаўнікі пачатковых класаў