Рэспубліканскі культурна-патрыятычны марафон "Глядзі і памятай"
25.04.2021
Рэспубліканскі культурна-патрыятычны марафон "Глядзі і памятай"
Працягваюцца мерапрыемствы ў межах рэспубліканскага культурна-патрыятычнага марафона "Глядзі і памятай". Так у шосты школьны дзень 24 красавіка вучні розных класаў разам з класнымі кіраўнікамі праглядзелі некалькі фільмаў прысвечаных тэматыцы Вялікай Айчыннай вайны.
Як адзначыў настаўнік беларускай мовы і літаратуры Клявец Зоя Іванаўна (класны кіраўнік 8 класа): "Наша Беларусь — краіна, якая перажыла мноства спусташальных войнаў. Асабліва пакутнай для нашай Радзімы стала Вялікая Айчынная вайна. Ад яе наступстваў залежаў лёс нацыі і кожнага чалавека. Гэты перыяд патрабаваў высокай духоўнай стойкасці, мужнасці і патрыятызму. У цяжкі час беларускі народ праявіў незвычайны гераізм у змаганні з ворагам. Вайна і дзеці — пашыраная тэма ў беларускай прозе ваеннага часу. Не варты звання чалавека той, хто нясе дзецям смерць і няшчасце. Што рабіць, калі парушаюцца адвечныя законы жыцця — гінуць дзеці? Пра гэта можна, анямеўшы, у жалобе маўчаць або шукаць і знаходзіць словы, якія сведчылі б, даносілі боль і адначасова не адымалі надзеі на перамогу над злом."
Супрун С.В., настаўнік геаграфіі і біялогіі
