Тыдзень кнігі ў школе
06.04.2021
Тыдзень кнігі ў школе
Пачынаючы з першага вучэбнага дня 4 чвэрці ва ўстанове адукацыі "Ганцавіцкая СШ імя А.П.Брынскага" праходзяць мерапрыемствы Тыдня дзіцячай і юнацкай кнігі.
Вельмі цікавым і захапляльным стала мерапрыемства, якое прайшло ў 4 класе. Дзеці разам з бібліятэкарам Веранікай Васільеўнай разгледзелі цікавыя факты з жыцця Г.Х. Андэрсана, гісторыю напісання казкі "Дзюймовачка". А каб праверыць уважлівасць вучняў бібліятэкар арганізаваў інтэрактыўную крыжаванку. Але самым цікавым для дзяцей стаў майстар-клас па вырабу лэпбука.
Самыя маленькія вучні, першакласнікі, таксама накіраваліся ў краіну казак, вершаў, аповедаў.... Нашы маленькія жыўчыкі з захапленнем заняліся вырабам закладак для любімых кніжак і кніжак, якія будуць чытаць у будучым. А вучні 2 і 3 класа з задавальненнем і азартам разгадвалі каверзныя пытанні гульні-віктарыны "У гасцях у казкі".
Калі ты любіш чытаць - далучайся да нас!
Супрун С.В., настаўнік геаграфіі і біялогіі
Карпеня В.В., бібліятэкар
