Экскурсія ў Краязнаўчы музей
27.03.2021
Экскурсія ў Краязнаўчы музей
На пярэдадні вясенніх канікул вучні пачатковых класаў наведалі Краязнаўчы музей у горадзе Ганцавічы. Работнікі музея правялі для вучняў інтэрактыўны музейны ўрок.
Спачатку дзеці прынялі ўдзел у цікавай экскурсіі па выстаўцы карцін мясцовага мастака Івана Караленкі. Вучні з захапленнем слухалі пра творчы жыццёвы шлях мастака, яго выдатныя карціны, якія знаходзяцца не толькі на выставе, але і шматлікіх асабістых калекцыях, нават па-за межамі Беларусі. Цікава адзначыць, што дзеці добра ведаюць мастака і ужо сустракаліся з ім ва ўстанове адукацыі.
Пасля цікавай і пазнавальнай экскурсіі дзеці прынялі ўдзел у віктарыне "Віды мастацтва". А самым захапляльным стаў момант, калі вучні самі паспрабавалі сябе ў ролі юных мастакоў.
Супрун С.В., настаўнік геаграфіі і біялогіі
