Неделя финансовой грамотности
26.03.2021
Неделя финансовой грамотности
З 22 па 26 сакавіка 2021 года ва ўстанове адукацыі Ганцавіцкая сярэдняя школа імя А.П.Брынскага прайшоў Тыдзень фінансавай граматнасці - глабальная кампанія па павышэнні асвядомленасці дзяцей і моладзі пра фінансы. У рамках тыдня не толькі для нашых вучняў, але і па ўсёй Беларусі прайшлі шматлікія мерапрыемствы, накіраваныя на навучанне маладых людзей фінансавым тэмам праз інтэрактыўныя мерапрыемствы.
Так і ў нашай установе адукацыі прайшлі цікавыя і насычаныя мерапрыемствы. Настаўнік грамадазнаўства Чэрнік Ігар Міхайлавіч і члены вучнёўскага самакіравання разам з вучнямі пачатковых класаў праглядзелі цыкл пазнавальных мультфільмаў "Смешарики: про финансовую грамотность". Пасля вучні 10 класа для сваіх малодшых таварышаў правялі інтэлектуальную гульню "Свая гульня". Дзеці з задавальненнем разважалі над складанымі пытаннямі пра "Казачныя фінансы", "Фінансавыя рэбусы", шукалі лічбавыя і "фінансавыя" памылкі ў заданнях "Банк і фінансы", "Фінансы для дзяцей".
Вучні старэйшых класаў прцынялі ўдзел у абласным вебінары па фінансавай граматнасці. Акрамя таго Ігар Міхайлавіч правёў для старшакласнікаў гутарку па фінанасвай адукаванасці падлеткаў "Лічбавая бяспека асабістых фінансаў". І ўжо традыцыйна па завяршэнні інфармацыйнай часткі для вучняў прайшоў інтэллектуальны турнір "Снегавік-лічбавік", падчас якога вучні не толькі адказвалі на складаныя і цікавыя пытанні, таксама прадэманстравалі здольнасці да хуткага падліку асабістых фінансавых накапленняў.
Супрун С.В., настаўнік геаграфіі і біялогіі
