Адзіны дзень прафілактыкі ва ўстанове адукацыі
05.03.2021
Адзіны дзень прафілактыкі ва ўстанове адукацыі
5 сакавіка ў межах шматпрофільнай раённай акцыі "Моладзь за ЗЛЖ!" і Адзінага дня прафілактыкі правапарушэнняў, злачынстваў і шкодных звычак ва ўстанове адукацыі прайшлі разнастайныя мерапрыемствы. Так традыцыйна вучні сабраліся для таго, каб праглядзець і абмеркаваць відэаролік у межах раённага праекта "Школа бяспекі". На гэты раз дзеці разам з педагогам-арганізатарам Алёнай Пятроўнай і педагогам сацыяльным Людмілай Якаўлейнай разважалі над відэаролікам "Бяспечныя дарогі дзяцінства. Што неабходна ведаць юнаму веласіпедзісту?":
Акрамя таго на працягу вучэбнага дня, члены Моладзевай ініцыятыўнай групы, Паліна і Іван, для вучняў 6-11 класаў правялі інфармацыйная пяціхвілінкі "Моладзь ХХІ стагоддзя, як прыклад здаровага ладу жыцця". Паліна і Іван адзначылі, што раней разам з педагогам-арганізатарам Алёнай Пятроўнай дзеці правялі ананімную анкету сярод вучняў і настаўнікаў па пытаннях здаровага ладу жыцця, і вызначылі, што ва ўстанове адукацыі абсалютная большасць вучняў вядзе здаровы лад жыцця.
МЫ ВЫБІРАЕМ ЗДАРОВЫ ЛАД ЖЫЦЦЯ!
ДАЛУЧАЙЦЕСЯ ДА НАША РУХУ!!!
Супрун С.В., настаўнік геаграфіі і біялогіі