Шосты школьны дзень. Дзень прафарыентацыі
01.03.2021
Шосты школьны дзень.
Дзень прафарыентацыі
Ужо традыцыйна кожную чацвёртую суботу месяца ў школе праходзяць мерапрыемствы прафарыентацыйнага накірунку. Шосты школьны дзень 27 лютага не стаў выключэннем. Так, вучні першага класа, разам са сваёй настаўніцай Жыбурт Вольгай Пятроўнай, актыўна і крэатыўна правялі гульнявую праграму "Прафесія маёй матулі! Прафесія майго таты!". Дзеці і настаўніца складалі пазл, каб адгадаць прафесію, якая зашыфраваная на фотаздымку, першакласнікі расказалі кім працуюць іх бацькі і падрыхтавалі тэматычныя малюнкі і фотаздымкі. Напрыканцы пазакласнага мерапрыемтсва маленькія вучні падзяліліся самым вялікім сваім сакрэтам "Кім я стану, калі вырасту":
А вось члены школьнага грамадскага аб'яднання "БРПА", разам з педагогам-арганізатарам Мелехавец Алёнай Пятроўнай, заняліся творчай справай. Нашы піянеры ў суботу сталі дызайнерамі-афарміцелямі: заняўшыся калектыўнай творчай справай, дзеці і настаўнік рыхтавалі святочныя паштоўкі для сваіх любімых матуль, бабуль і настаўнікаў. Дзяўчынкі і хлопчыкі з задавальненнем выразалі прыгожыя кветкі, лічбу "8", пасля чаго, прымяніўшы сваі дызайнерскія здольнасці, зрабілі прыгожыя аплікацыі, дапоўніўшы святочны падарунак цёплымі і шчырымі пажаданнямі:
Супрун С.В., настаўнік геаграфіі і біялогіі