Разнастайнасць і карысць (6 школьны дзень)
07.02.2021
Разнастайнасць і карысць (6 школьны дзень)
6 лютага 2021 года шосты школьны дзень стаў найбольш разнастайны, прадукцыйны і карысны. Так вучні 9 класа працягнулі актыўную падрыхтоўку да рэспубліканскай кантрольнай работы па біялогіі. Рабяты працавалі над рашэннем дэмаверсіі пісьмовай работы, пасля прааналізавалі заданні: правільнасць адказаў (паўната і выкарыстанне біялагічных тэрмінаў) і правільнае афармленне заданняў на бланках адказаў:
Вучні 7 класа, разам з настаўнікам рускай мовы і літаратуры Зялёнка Наталляй Уладзіміраўнай, працягнулі цыкл дадатковых заняткаў па рускай мове. Навучэнцы працавалі над правільным напісаннем слоў-выключэнняў:
Важны момант выхавання дзяцей - патрыятызм, які грунтуецца на памяці пра подзвіг нашых продкаў, геройскія ўчынкі дзяцей, якія адважна змагаліся з ворагам у час Вялікай Айчыннай вайны. Так члены школьнай піянерскай дружыны "Пунцовы ветразь" прынялі актыўны ўдзел у правядзенні ўрока мужнасці "Дзень юнага героя-антыфашыста". Дзеці, разам з педагогам-арганізатарам Мелехавец Алёнай Пятроўнай, успомнілі кожны геройскі ўчынак, які здзейснілі маладыя патрыёты нашай краіны:
Не меней важным з'яўляецца стварэнне ўмоў для фарміравання здаровага ладу жыцця сярод падрастаючага пакалення. Вучаніцы 5 класа і настаўнік фізічнай культуры і здароўя Лынша Вера Епіфанаўна працягнулі заняткі па гімнастыцы, якія накіраваны на падрыманне фізічнай прыгажосці і ўмацавання здароўя дзяўчат. А вось хлопчыкі і вучні малодшых класаў, актыўна праводзілі час на вуліцы - зімовыя забавы вельмі цікавыя і разнастайныя:
