У гульні-конкурсе «Моўны турнір» удзельнічалі вучні 6 класа. Дзеці падзяліліся на дзве каманды.
У пачатку мерапрыемства вучні пазнаёміліся з тым, чаму кожны год адзначаецца Дзень роднай мовы і як ён узнік.
Праз заданні конкурса «Размінка» дзеці тлумачылі, чаму аднолькавыя назвы слоў можна пісаць з вялікай і з малой літар. Спадабаліся заданні пра імёны, да якіх дабавіць адну літару, і імя ператвараецца ў назвы краін.
У конкурсе «Кемлівыя» па апошніх складах слоў вучні павінны былі прыдумаць першыя, каб атрымаліся беларускія словы.
Наступнае заданне патрабавала ад удзельнікаў навыкаў ведання поўных імёнаў (па скарочаных імён назваць поўныя іх адпаведнікі). Лепш з гэтым заданнем справілася каманда дзяўчынак.
Вельмі спадабаўся конкурс «Перакладчыкі». Кожная каманда перакладала назоўнікі з рускай мовы на беларускую.
У гульні «Чужое слова» вучні хутка на слых знаходзілі «чацвёртае, лішняе слова».
Апошні конкурс «Веру – не веру» паказаў, што дзве каманды закончылі спаборніцтва з аднолькавай колькасцю балаў ( 24). Большасць пытанняў была з беларускай мовы
Конкурсная праграма прайшла весела. Дзеці папоўнілі свой моўны запас і прыйшлі да вывада, што трэба ведаць, шанаваць і берагчы сваю родную беларускую мову.