Суботні дзень
16.12.2017
16 снежня 2017 г. ва ўсіх школах раёна прайшоў бацькоўскі дзень. Мы таксама рады сустрэчы з бацькамі нашых вучняў.
У гэты дзень бацькі змаглі атрымаць кансультацыю педагога-псіхолага Кішко Л.Я., сустрэцца з настаўнікамі-прадметнікамі, класнымі кіраўнікамі. У спартыўнай зале пад гучныя апладысменты гледачоў змагаліся каманды па піянерболе. У кабінеце беларускай мовы разам з дзецьмі можна было прыняць удзел у віктарыне знаўцаў роднай мовы “Беларуская скарбонка”.
Удзельнікі віктарыны змагаліся ў конкурсах “Загадкі-пытанні”, “Скорагаворкі”, “Наадварот”, “Пагуляем у рыфмы”, “Выпраў памылкі”. Клявец Зоя Іванаўна падрыхтавала цікавыя заданні і для балельшчыкаў, і для каманд-удзельнікаў. Кожны адчуў прыгажосць і мілагучнасць роднай мовы, прадэманстраваў свае веды па беларускай мове.
