Бацькоўская субота 15 красавіка 2017 г.
15.04.2017
У шосты школьны дзень 15 красавіка 2017 г. гасцінна расчыніліся дзверы школы не толькі для вучняў, але і для іх бацькоў.
Настаўнік пачатковых класаў Кладзько Ала Эдуардаўна правяла з вучнямі гутарку “Гісторыя Вялікдзеня”, пазнаеміла з Велікоднымі сімваламі, спосабамі афарбоўкі яек. Самыя актыўныя бацькі Бруй Н.В., Рабцэвіч І.У., якія прысутнічаль на мерапрыемстве, расказалі аб традыцыях святкавання Вялікдзеня у сваіх сем’ях. Завяршылася святочнае мерапрыемства сумесным вырабам Вялікоднай кампазіцыі.
У акцыі “Дом без адзіноты” прынялі ўдзел члены пярвічных арганізацый БРПА і БРСМ. Пад кіраўніцтвам педагога-арганізатара рабяты наведалі ветэрана Вялікай Айчыннай вайны Мелехаўца Івана Канстанцінавіча, састарэлых адзінокіх жыхароў вёскі Ганцавічы. Напярэдадні вялікага свята піянерамі была аказана пасільная дабрачынная дапамога аднавяскоўцам.
Педагогам-псіхолагам Кішко Л.Я. для бацькоў праведзены ўніверсітэт псіхалагічных ведаў “Сямейнае насілле”. Адбыліся наведванні сямей вучняў школы.
Паважаныя бацькі! Мы рады вас бачыць у школе не толькі ў бацькоўскі дзень. Запрашаем да актыўнага ўдзелу ў спартыўных мерапрыемствах, традыцыйных школьных акцыях і святах!