Дзень беларускай мовы і літаратуры на прадметным тыдні
17.01.2017
Завочную экскурсіі ў музей беларускага нацыянальнага адзення наведалі вучні 6-11 класаў. У пачатку мерапрыемства дзяўчаты-экскурсаводы Каролік Карына і Лынша Ангеліна пазнаёмілі прысутных з гісторыяй узнікнення і паходжання жаночага і мужчынскага адзення. Наведвальнікі даведаліся, што найвышэйшы статус сярод адзення меў кажух.
Потым дзяўчаты падрабязна спыніліся на святочным і паўсядзённым жаночым адзенні: жаночай кашулі, спадніцы, фартуху. Пояс таксама з`яўляўся значным кампанентам адзення. Далей экскурсаводы расказалі пра галаўныя ўборы жанчын, мужчын. Асаблівую ўвагу засяродзілі на тым, што дзяўчаты ў тыя часы на галаве насілі вянкі, запляталі валасы ў адну ці дзве косы.
Наступным этапам экскурсіі было знаёмства з прадметамі народнага побыту. Зацікавілі прысутных такія прадметы, як драўляны, жалезны прас, газавыя лямпы, хатні посуд і інш. Асобна Карына спынілася на ткацкай прыладзе, якая выкарыстоўвалася для вырабу паясоў.
Апошні этап – гэта знаёмства з вышыванымі ручнікамі народных майстрых. Дзеці з захапленнем разглядалі прыгожыя ўзоры. Наступным экспанатам былі тканыя ручнікі, якія прываблівалі не менш.
Вучні не спяшаліся пакідаць памяшканне музея, таму што ўбачыць прадметы народнай творчасці можна не кожны дзень, а вось ведаць пра іх павінен кожны беларус.
На тэатралізаваным прадстаўленні “Калядным вечарам” артысты-ўдзельнікі паказалі прысутным казку пра дзядзьку Цярэшку і цётку Шчодру, у ролі якіх выступілі Мелехавец Лізавета і Курэніна Карына. Потым да іх у хату завіталі каляднікі. У такія няпростыя, а, менавіта, святыя вечары ў хаце гаспадара пачынаюць адбывацца цуды.
У Шчодры знік вышываны ручнік, а ўкраў яго чорт і аднёс пану. З`явіліся зноў каляднікі і прывялі з сабой казу, якая ладна скакала, жадала гаспадыні і гаспадару дабрабыту. Чорт, выконваючы загад пан, крадзе казу, але ж потым вяртае. Не абышлося і без пеўня з ліскай.
У канцы прадстаўлення Шчодра пачаставала прысутных блінамі з печы. На развітанне артысты праспявалі беларускую народную песню “Бывайце здаровы”. Прысутныя ў зале моцнымі апладысментамі развіталіся з самадзейнымі артыстамі.