«Беларус, роднай мовы сваёй не цурайся!»
26.02.2016
«Беларус, роднай мовы сваёй не цурайся!», пад такой назвай у школе прайшла літаратурная вечарына, падрыхтаваная бібліятэкарам Локтыш Т.І. і вучнямі школы.
21 лютага ў свеце адзначаецца Міжнародны дзень роднай мовы. Па прапанове Бангладэш, у 1999 годзе ЮНЭСКА аб’явіла 21 лютага— Міжнароднымднёмроднай мовы.
Cёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна родная мова, якая завецца роднай. Менавіта на гэтай мове ён размаўляе з роднымі, сябрамі, знаёмымі. І вельмі дрэнна, калі чалавек пачынае забывацца на сваю мову, не шануе яе.
У кожнага чалавека ёсць адна-адзіная, непаўторная і мілагучная, сакавітая ды родная мова, на якой размаўлялі яго продкі, якуюён упершыню пачуў з вуснаў сваіх маці ці бацькі.
Аб гэтым на вечарыне гучалі вершы, песні.
Прыемна стала, калі ўдзельнікі заўважылі, што родная мова шмат не патрабуе. Але калі ўжо назваў яе роднай, калі лічыш яе такой для сябе — павінен жа быць перад ёй хоць нейкі абавязак.