Адзіны бацькоўскі дзень
19.12.2015
19 снежня 2015 г. ў школах Ганцавіцкага раёна аб’яўлены адзіным бацькоўскім днём.
Бацькі вучняў нашай школы таксама былі запрошаны ў школу і прынялі ўдзел у мерапрыемствах шостага школьнага дня.
Педагогам дадатковай адукацыі Паўлюкевіч С.А. для самых творчых і крэатыўных вучняў і
бацькоў праведзены майстар-клас па вырабу навагодніх упрыгожванняў “Майстэрня Дзеда Мароза”. За цікавым заняткам дзве гадзіны майстар-класа праляцелі як адно імгненне. Вынікам сумеснай працы сталі навагоднія ўпрыгожванні для кожнага кабінета школы і выстава самаробных елачак “Лясная прыгажуня”.
Самых актыўных і спартыўных вучняў з 4-6 класаў і іх бацькоў разам сабрала спартландыя. Муха М.М. падрыхтаваў гульні, эстафеты, спартыўныя забавы, якія стварылі кожнаму ўдзельніку спартландыі сонечны і бадзёры настрой.
Сур’езнай справай былі заняты настаўнікі і бацькі на пасяджэнні Савета па прафілактыцы безнагляднасці і правапарушэнняў непаўналетніх. На Савеце разглядалася палаженне дзяцей, якія прызнаны знаходзячыміся ў сацыяльна небяспечным становішчы. З мэтай нармалізацыі ўнутрысямейных узаемаадносін вырашана матэрыялы на адну з сямей перадаць у сельвыканкам.
Паважаныя бацькі, бацькоўскі дзень праводзіцца ў школе кожны месяц. Запрашаем актыўна наведваць школу не толькі ў гэты дзень, а быць пастаяннымі ўдзельнікамі школьнага жыцця.