ТЫДЗЕНЬ ПАЧАТКОВЫХ КЛАСАЎ
12.12.2015
ТЫДЗЕНЬ ПАЧАТКОВЫХ КЛАСАЎ
З 7 па 12 снежня 2015 г. у школе праходзіў Тыдзень пачатковых класаў. У праграме Тыдня было шмат цікавых і запамінальных мерапрыемстваў.
7 снежня ў Дзень беларускай мовы прайшоў конкурс "Кароль і Каралева пісьма". Сярод дзяўчынак абсалютнымі пераможцамі сталі вучаніцы 2 класа Новак Ульяна, Кісялевіч Ганна. Каралём пісьма стаў Высоцкі Мікіта.
У групе падоўжанага дня пачаткоўцы з задавальненнем пагулялі ў гульню "Падарожжа па краіне фанетыкі". Сярод другакласнікаў лепшай стала Кісялевіч Ганна, у трэцім класе перамог Высоцкі Мікіта, у чацвёртым – Матуліс Паліна.
8 снежня - Дзень матэматыкі. Адбыўся конкурс малюнкаў "Парад лічбаў" і конкурс матэматычных рэбусаў. У гульні “Матэматычная вясёлка” пераможцамі сталі ўдзельнікі каманды “Званочкі”.
9 снежня- Дзень рускай мовы.
Дзяўчынкі і хлопчыкі спаборнічалі ў гульні “Разумнікі і Разумніцы”: разгадвалі шарады і загадкі, складалі словы і сказы. Па набранай колькасці балаў вызначана лепшая каманда. Перамаглі нашы разумніцы!
10 снежня ў Дзень мастацтва прайшоў майстар-клас выхавальнікаў ГПД Ціхан Л.Г., Клявец А.Д.. “Майстэрня Дзеда Мароза” па навучанню вырабаў навагодніх упрыгожванняў.
11 снежня лютага - Дзень прыродазнаўства і гісторыі. Дзеці паўдзельнічалі ў віктарыне "Такія загадкавыя расліны", пачыталі кнігі на ваенную тэматку.
12 снежня - Дзень Здароўя і Спорту. Прайшла любімая ўсімі спартландыя "Хуткія. Спрытныя. Смелыя". Самымі актыўнымі ўдзельнікамі спартландыі былі першакласнікі. Каманды пад кіраўніцтвам Клявец А.Д. спаборнічалі ў катанні лялек на санках, ляпілі снегавікоў і залівалі каток. Па выніках спартландыі каманды атрымалі аднолькавую колькасць балаў.
Узнагароды па выніках Тыдня пачатковых класаў знойдуць сваіх уладальнікаў на школьнай лінейцы 15 снежня.
ФОТАРЭПАРТАЖ