Дзень роднай мовы

21.02.2022

Дзень роднай мовы

   21 лютага адзначаецца вельмі значнае свята ў жыцці кожнага беларуса - ДЗЕНЬ РОДНАЙ МОВЫ. У гэты дзень ва ўсіх куточках Беларусі размаўляюць на роднай мове, а ў нашай школе прайшоў шэрах пазакласных мерапрыемстваў прысвечаных Беларусі, прысвечаных беларускай матчынай мове.
      Так выхавацель групы падоўжанага дня Занька Вольга Анатольеўна для рабят правяла пазакласнае мерапрыемства ў форме інтэрактыўнай квэст-гульні "21 лютага - ДЗЕНЬ РОДНАЙ МОВЫ". Падчас мерапрыемства настаўнік і дзеці адгадвалі загадкі і рэбусы, прызнаваліся ў каханні Беларусі і роднай мове.  Дзеці праверылі свае веды па беларускай мове прыняўшы ўдзел у конкурсах "Дыктант", "Перакладчыкі", "Кот у мяшку", "Хто такі, ці што такое?", "Прыказкі" і "Наадварот". А напрыканцы квэст-гульні ўсе ўдзельнікі сабралі васільковы букет любімых беларускіх слоў.

Супрун С.В., настаўнік геаграфіі і біялогіі
Занька В.А., выхавацель ГПД