Ганцаўшчыне 80!

19.02.2020

  19 лютага ва ўстанове адукацыі "Ганцавіцкая СШ імя А.П.Брынскага" прайшло святочнае мерапрыемтсва пысвечанае 80годдзю Ганцаўшчыны. "Ёсць на Палессі паміж лясоў і бароў старонка родная - Ганцавічы!" - менавіта такімі свовамі распачалася сустрэча вучняў 6 і 9 класаў, якую арганізавала педагог-арганізатар Мелехавец Алёна Пятроўна.

  Ганцавічы - невялікае ўтульнае палескае мястэчка, размешчанае ў асяроддзі стагадовых хваёвых бароў на правым беразе ракі Цна, якая, прапятляўшы па лясах і балотах, потым зліваецца з Прыпяццю. Тут жыве каля 15 тысяч чалавек.

У 1998 годзе быў зацверджаны гарадскі герб – на сінім фоне шчыта – два жураўлі, якія ляцяць увысь. У левым верхнім вугле – зорачка над паўмесяцам, звернутым ражкамі ўгару. Падобны элемент толькі з шасціканцовай зоркай, які напамінае шляхецкі герб «Ляліва», прысутнічае ў радавым гербе заснавальніка мястэчка графа С. А. Гутэн-Чапскага.

  Тут дзеялі Якуб Колас і Аляксандр Сержпутоўскі, а таксама выраслі паэты і празаікі, сярод якіх Алесь Кажадуб, Іван Кірэйчык, Міхась Рудкоўскі, Віктар Гардзей, Кастусь Мохар, Алесь Каско, Уладзімір Марук, Іван Лагвіновіч. У Ганцавічах ушанавана памяць журналіста і пісьменніка Васіля Праскурава (1926-1987).  Яго імем тут названы вуліца і раённая бібліятэка, а так сама ўсталяваны дзве мемарыяльныя табліцы.